#تالته_طب ...
-----
رجاله الدفعه الجديده ..
سنه تالته سنه غريبه ولذيذه وفيها كل الصفات
فخلونا نتفق ع الحاجات دى
--
grin emoticon
مينفعش خاااليص نظااام تانيه نهائى
---
المنهج كبير ومعاك اربع مواد مجانص فعلا حاجه فل
--
لو عايز تبقى برنس ف السنه
لازم تظبط اعمال السنه وتضمن درجاتها ودا يحصل ازاى؟
طبعا كله بتوفيق ربنا بس احنا بنعمل ال علينا
--
رأى الشخصى ..
#الفارما ..
ع الأقل منهج الترم الأول لاااازم تسمع عبقرى الفارما
واسطوره الكلينكال #دكتور_محسن القصر العينى
وفيديوهاته موجوده الوقتى بتاع السنه الـ فاتت
اسمع الفيديوهات بتاع الترم الأول بس مره واتنين هتعشق الفارما
وانا متأكد انك هتكمل المنهج كله معاه بس بلاش عشان مش هتلاقى وقت
دكتور محسن وهو بيشرح هيقولك مواضع الامسكيو كلها
مش هتتفاجئ بسؤال م الآخر
---
القسم بينزل كتاب امسكيو عندنا فى ازهر دمياط
ممكن تجيب بتاع السنه ال فاتت وتشتغل مع نفسك وتدرب نفسك بعد المذاكره
---
ناس هتقولك اسمع شريف رفعت ،،
انا لا أفضله الا فى الكيموثيرابى او المضادات الحيويه هو شارحها كويس
بس لو عايز تفهمها صح اسمع دكتور علاء عين شمس بس ف الأجازه
grin emoticon
---
بالنسبة للكتب ،،
كتاب دكتور عبدالفتاح مرعى كويس جدا
وبالنسبة لطب دمياط والمنصوره كتاب القسم أفضل بس مختصر
كتاب القسم ف ازهر دمياط كويس وشغال ،،
وفيه كتاب دكتور على هنداوى مع شرح العالمى دكتور فيصل
وياريت تبدأ تذاكر باثولوجى كل يوم حتى لو هتسمع ساعه من دكتور فيصل
وهو اصلا ممتع جدا ومش هتزهق ولا هتمل منه ،،
وتابع من كتاب على هنداوى وذاكر من اى سورس
الباثولوجى هيبقى حلاوه بمعنى اصح
--
نزل تكست بوك باثوولجى كويس زى روبين بالاصدارات التلاته بتوعه
هتلاقيهم ع موقع Kickass
---
مشوفتش فيديوهات دكتور سامح غازى بس انا شايف انه فى الأناتومى
افضل بكتير من الباثولوجى وانه بيقول قشور بس ف الماده
---
الامسكيو بتاع الباثولوجى بيبقى سهل بس ركز ف المذاكره
بييجى من بين السطور
grin emoticon
#الميكرو ،،
دى أهم ماده فى تالته ولازم تذاكرها من أول السنه
واوعى تركنها لو مش هتذاكر حاجه ذاكرها وبس
--
#دكتور_الصباغ كويس جدا ف البكتيريا والفيرولوجى
وشرحه تحفه مع كتاب ازهر دمياط تمام
ودكتور مرعى افضلهم ع مستوى مصر بس تصبر شوية مع الماده
لان الماده بتتفهم كل ما تتعمق فيها
وتابع وراه من كتاب القصر العينى نسخة 2014
---
فيه مذكره ميكرو بتنزل ف طب المنصوره
حصريا ف مكتبة مسلم هتظبطلك الماده وتحشيشاتها
حاول تجيبها بدرى بدرى
--
اعمال السنه ف الميكرو بتبقى مش سهله ولذلك ذاكرو كويس
#البارا ..
بداية كده انت هتحفظ كتاب القسم
grin emoticon
لو حابب تفهم وانا مفضلش يعنى
يبقى تسمع دكتور أيمن فى عين شمس
وليه ورق بتمشى وراه فيه ،،
هتفهم وهتبقى تمام بس لازم تحفظ كتاب القسم لازم
..
البوست مختصر جدا انا عارف
بس هى تالته مش سنه تجارب للأسف ،
شوف الطريقة ال هتمشى عليها بدرى بدرى
وكل شيخ وطريقته
--
ذاكر ميكرو ذاكر ميكرو ذاكر ميكرو
تابع دكتور محسن باهتمام ف الترم الأول كله
اسمع دكتور فيصل ولو ساعه يوميا طول المنهج
احفظ كتاب البارا ..
---
ياريتنى عملت كده
grin emoticon
وربنا يوفقكم ياشباب